कपिलबस्तु आउदै शेखर कोईराला र मन्त्री आचार्य

कपिलबस्तु, असोज ७ गते ।
नेपाली कांग्रेस कपिलवस्तुको जिल्ला भेला यही असोज १५ गते हुने भएको छ । पार्टीको जिल्ला कार्य समितिको तौलिहवा स्थित पार्टी कार्यालयमा भएको बैठकले सो निर्णय गरेको पार्टी प्रबक्ता ईश्वरी प्रसाद पाण्डेयले बताए । भेला तौलिहवा स्थित पार्टी कार्यालयमा हुने र प्रमुख अतिथी कांग्रेस नेता शेखर काईराला रहेको उनले बताए ।
यस्तै कार्यक्रममा महिला बालबालिका तथा ज्येष्ठ नागरिक मन्त्री र कांग्रेस लुम्बिनी प्रदेश महामन्त्री सुरेन्द्र आचार्य समेत सहभागी हुने जिल्ला सदस्य राजेश ज्ञवालीले बताए । भेलामा जिल्लाभरबाट एक हजार नेता कार्यकर्ताहरु सहभागी हुने अनुमान गरिएको छ ।
बैठकमा भेलाका लागि आवश्यक साधान श्रोत समेत जुटाउने र तयारीमा लाग्ने छलफल समेत भएको थियो । बैठक पार्टी जिल्ला सभापति अब्दुल कलामको अध्यक्षता र सचिव शक्ति सिंह ठकुरीको संचालनमा भएको थियो ।