भेटनरी अस्पताल र कृषि ज्ञान केन्द्रको बजेट सार्वजनिकीकरण कार्यक्रम

कपिलबस्तु, असोज ९ गते । भेटनरी अस्पताल तथा पशु सेवा बिज्ञ केन्द्र र कृषि ज्ञान केन्द्रले कपिलवस्तुको तौलिहवामा चालु आर्थिक बर्ष २०८०÷०८१ कोे संयुक्त रुपमा कार्यक्रम तथा बजेटको सार्वजिनिकीरण कार्यक्रम संपन्न गरेका छन ।
सो अवसरमा दुबै निकायले चालु आर्थिक बर्षका लागि कपिलवस्तुमा बिनियोजित बजेट तथा कार्यक्रमका बारेमा जानकारी गराएका थिए । कार्यक्रमा सहभागी वक्ताहरुले कृषिमा आधारित कृषकहरुको संख्या अधिक रहे पनि गत बर्षको तुलनामा बजेट कम रहेको भन्दै आपत्ति प्रकट गरे ।
पशु सेवा बिज्ञ केन्द्रका प्रमुख बिष्णु प्रसाद खनालले चालु आर्थिक बर्षमा बिभिन्न ७ शीर्षकमा ६ करोड ११ लाख ३७ हजार बजेट बिनियोजन गरिएको बताए । गत आर्थिक बर्ष बार्षिक बजेट ५ करोड ७५ लाख ६८ हजार ४३४ मध्ये ३ करोड ७२ लाख ५० हजार ३६४ (६४ दशमलव ७१ प्रतिशत ) रकम खर्च भएको थियो । स्मार्ट कृषि गाउमा ५४ लाख ४९ हजार बिनियोजत रहेकोमा १ दशमलव १४ खर्च भएको थियो ।
चालु आर्थिक बर्षका लागि कृषि ज्ञान केन्द्रमा बिभिन्न ६ शीर्षकमा ६ करोड ३६ लाख ४० हजार मात्र बजेट बिनियोजन भएको ज्ञान केन्द्र प्रमुख भास्कर पौडेलले बताए । गत आर्थिक बर्ष ८ करोड १६ लाख २६ हजार बजेट मध्ये ५९ दशमलव १२ प्रतिशत मात्र खर्च भएको थियो ।
सो अवसरमा जिल्ला समन्वय उप प्रमुख रमेश कुर्मीले कृषि क्षेत्रमा बजेट बढाउनुको साटो घटाइएकोमा दुःख ब्यक्त गरे । उनले जिल्लाको कृषि क्षेत्रको विकासका लागि सिचाईको सुबिधा बढाउनु पर्ने र वास्तविक कृषकहरुलाई अनुदान दिनु पर्ने बताए । कार्यक्रममा शुद्धोधन गाउपालिका अध्यक्ष कमलेश शरण चौधरीले सरकारले गरेको लगानी अनुसार प्रतिफल नेदेखिएको बताए । उनले पारदर्शीरुपमा काम अघि बाढए मात्र प्रतिफल मिल्ने बताए । उनले दोहोरोपन हटाउन समन्वय गर्नु पर्ने बताए ।
कार्यक्रममा बाणगंगा नगरपालिकाकी उप प्रमुख रीता चौधरीले तीनै तहको सरकारले कृषि क्षेत्रलाई प्राथमिकतामा राख्नु पर्ने बताईन । उनले सिचाई मलखादको सरकारले प्रबन्ध गर्नु पर्ने बताईन । जिल्लाको कुल जन संख्या ६ लाख ८२ हजार ९६१ मध्ये ६ लाख १८ हजार ६५ कृषिमा आश्रित तथा ६५ दशमलव ८६ प्रतिशत परिवार कृषक परिवार संख्या रहेका छन । दुधमा आत्मनिर्भर रहे पनि मासु अन्डा र माछामा भने परनिर्भर रहेको छ ।
जिल्लामा कुल ८३ हजार खेतीयोग्य जमिन मध्ये ८१ हजार ५७६ हेक्टरमा खेती गरिएको छ । गत बर्ष गहुको उत्पादनमा कमी आए पनि धान, आलु, तोरी, च्याउ, तरकारीको उत्पादनमा भने बृद्धि भएको थियो । युरिया डिएपी र पोटास गरी जिल्लामा ६५ हजार २५३ मेट्रिक टन आवश्यक रहे पनि १० हजार ७९ दशमलव ५ मेट्रिक टन मात्र आपुर्ति भएको छ ।
खाद्यान्नमा न्युन मात्र बचत भएको देखिन्छ । कुल खेती योग्य जमिन मध्ये ५५ प्रतिशत मात्र सिंचाई सुबिधा रहेको छ । कृषि ज्ञान केन्द्रका प्रमुख पौडेलको अध्यक्षता, महेन्द्र ओझाको संचालनमा भएको कार्यक्रममा प्रजिअ शंकरहरि आचार्य, जिल्ला समन्वय प्रमुख भुमीराम पोख्रेल लगायतकाको सहभागीता रहेको थियो ।