कनकमुनीलाई लगातार सातौं पटक राष्ट्रपति रनिङ शील्ड

कपिलबस्तु, मंसिर २१ गते । कपिलवस्तु नगरपालिका स्तरीय सातौ राष्ट्रपति रनिङ शील्ड कनमुनी माबिले जितेको छ । कनकमुनीले लगातार सातौ पटक यो कप जितेर रेडर्क बनाएको हो ।
उसले ११ स्वर्ण, ७ रजत र ५ कास्य पदक गरी कुल २३ पदक जितेको हो । जितसंंगै कनकमुनीले २० हजार नगर र शील्ड प्राप्त गरेका हो । यस्तै ५ स्वर्ण, ६ रजत र ३ कास्य जित्दै राष्ट्रिय माबि बिकुली दोश्रो तथा ३ स्वर्ण , ५ रजत र १ कास्य पदक जित्दै संस्कृत माबि तेश्रो भएको छ ।
राष्ट्रिय माबिले १५ हजार र संस्कृतले १० हजार नगद प्राप्त गरेको थियो । ४ स्वर्ण जितेका कनकमुनीका अमन चौधरी र ५ स्वर्ण जितेकी कनकुमनी कै छात्रा मनिषा चौधरी उत्कृष्ट खेलाडी घोषित भएका थिए ।
बिजेता टोलीलाई नगरपालिका सामाजिक बिकास समितिका संयोजक दिरेप कुमार चौधरी, वडा नम्बर ३ का अध्यक्ष प्रकाश गैरे, नगरपालिका शिक्षा तथा खेलकुद शाखा प्रमुख हरि प्रसाद ज्ञवालीले शील्ड मेडल प्रदान गरेका थिए ।
सो अवसरमा सामाजिक विकास शाखा प्रमुख चौधरीले खेल र खेलाडी तर्फ सरकारले लगानी बढाउदै जानु पर्ने बताए । उनले खेलाडीहरुले देशको ईज्जत बढाउने काम गर्ने गरेकोले पनि उनीहरुलाई प्रोत्साहीत गर्ने खालको कार्यक्रम गर्नु पर्ने बताए ।
सो अवसरमा वडाध्यक्ष गैरले खेल र खेलाडीको विकासका लागि नगरपालिकाले सक्दो प्रयास गरेको बताए । उनले आगमी दिनमा पनि नगरपालिकाले खेल क्षेत्रका लागि लागनी बढाउदै लाने उनले बताए ।
कार्यक्रममा शिक्षा शाखा प्रमुख ज्ञवाली वडा नम्बर ९ का अध्यक्ष दिपक गुरुङ लगातयले शुभकामना मन्तब्य दिएका थिए । खेल चार दिन सम्म चलेका थियो । प्रतियोगीतामा नगरका २२ बिद्यालयका खेलाडी सहभागी थिए ।