कपिलबस्तु, पुस ११ गते । कपिलबस्तुको कपिलबस्तु नगरपालिका वडा नं. ६ मा एक दिने सुरक्षित मातृत्व सम्बन्धि सचेतनामूलक अभिमुखीकरण तालिम सम्पन्न भएको छ । उक्त तालिम कपिलवस्तु नगरपालिकाको सहयोग र समदर्शी महिला विकास केन्द्रको आयोजनामा सम्पन्न भएको हो ।
सो अवसरमा बोल्दै कपिलबस्तु नगरपालिकाका सामाजिक विकास अधिकृत पदमराज श्रेष्ठले सुरक्षित मातृत्वसम्बन्धी सचेतनाको अभावमा हुने समस्याहरू न्यूनीकरण गर्दै आमाहरूलाई थप सशक्त बनाउने र स्थानीय समुदायमा सकारात्मक सन्देश फैलाउने उद्देश्यले कार्यक्रम गरिएको बताउनुभयो । हजार दिनका आमा र बच्चाहरुलाई मृत्युबाट जोगाउन यस्ता जनचेतनामूलक कार्यक्रमहरु गर्नु पर्ने उहाँको भनाई छ ।
कार्यक्रममा कपिलबस्तु नगरपालिका वडा नं. ६ का वडाध्यक्ष रामजित कुर्मीले समाज परिर्वतनमा महिलाहरुको महत्वपूर्ण भुमिका रहेको बताउनुभयो । समाज सुधार गर्न सिंगो नगरपालिका दत्तचित्त भएर लागि परेको उहाँको भनाई छ ।
कार्यक्रममा कपिलबस्तु नगरपालिकाका स्वास्थ्य संयोजक उमेश गुप्ताले तालिमले महिलाहरूलाई सुरक्षित मातृत्वको महत्त्व, गर्भावस्थामा अपनाउनुपर्ने सावधानी, प्रसूति सेवाको उपयोग र सन्तान जन्मपश्चात् स्वास्थ्य सुरक्षाका बारेमा जानकारी गराईएको बताउनुभयो । तालिमले मातृ तथा नवजात शिशु मृत्यु दरलाई घटाउन सहयोग पु¥याउने अपेक्षा गरिएको उहाँको भनाई छ ।
कार्यक्रममा स्थानीय गर्भवती महिला, सुत्केरी आमा, स्वास्थ्य स्वयंसेविका लगायतको सहभागिता रहेको थियो । कार्यक्रममा नगरपालिका स्वास्थ्य संयोजक उमेश गुप्ता, तिलौराकोट स्वास्थ्य चौकीका प्रमुख सुवास चन्द्र यादव, स्वास्थ्यर्की इस्तियाक अहमद खां लगायतले प्रशिक्षण दिइएका थिए ।
कार्यक्रम समदर्शी महिला विकास केन्द्रकी अध्यक्ष गिता श्रीवास्तवको अध्यक्षतामा भएको कार्यक्रमको सञ्चालन शान्ता सापकोटाले गर्नु भएको थियो ।
