जिल्लाको विजयनगर गाँउपालिकामा पोषण लेखाजोखा अभियानको शुरुवात गरिएको छ । सबल बालिका, सबल समुदाय परियोजना अन्तर्गत गाउँपालिकामा पोषण लेखाजोखा अभियान सञ्चालन भएको हो । वडा नं. ५ को जोगिनियाबाट पाँच वर्षभन्दा मुनिका बालबालिकाको पोषण लेखाजोखा अभियान सुरु गरिएको हो ।
उक्त वडामा ५ दिनसम्म पोषण लेखाजोखा अभियान सञ्चालन हुनेछ । वडा कार्यालयको आयोजना र प्लान इन्टरनेशनल र किड्स नेपालको साझेदारीमा पोषण लेखाजोखा अभियान सुरु गरिएको परियोजना संयोजक असगर धुनियाले जानकारी दिए । गाउँपालिकाको वडा नम्बर ३, ५ र ६ मा यो अभियान कार्यक्रम सञ्चालन हुने उनले बताए ।
सहभागी गराइएका पाँच वर्ष मुनिका बालबालिकाको पोषण स्थिति पत्ता लगाइने छ । बालबालिकाको पाखुराको जाँचका साथै उचाई र तौलसमेत जाँच गरी पोषणको लेखाजोखा गरेर अभिभावकलाई पोषण सम्बन्धी सल्लाह, सुझावसहित चेतनामुलक कार्यक्रमको आयोजना गरिने उनको भनाइ छ ।
कार्यक्रमलाई सम्बोधन गर्दै ५ का वडा अध्यक्ष अनवर मोहम्मद मुसलमानले बालबालिकालाई पर्याप्त पौष्टिक खानपान, हेरचाह, सन्तुलित खाना, सरसफाई, सुरक्षित खानेपानीमा अभिभावकलाई ध्यान पु¥याउनुुपर्नेमा जोड दिए । उनले जनचेतनाको कमीले बालबालिकामा बढी कुपोषण भएको बताए ।
यस पोेषण लेखाजोखा अभियानमा अनिवार्य रुपमा पोषणको स्थिति पत्ता लगाउन बालबालिकालाई सहभागी गराउन उनले आग्रहसमेत गरे । स्थानीय तहमा पोषणका कार्यक्रमलाई सामाजिक सुरक्षा तथा गरिबी निवारण कार्यक्रमसँग जोडेर कार्यान्वयन गर्न आवश्यक देखिएको उनको भनाइ छ ।
