कपिलवस्तु, भदौ ४ गते । ब्यापारिक केन्द्र कृष्णनगर बजारलाई स्वच्छ र हराभरा बनाउन कृष्णनगर नगरपालिकाले जथाभावी फोहर फाल्नेलाई धमधम कारबाही गर्न सुरु गरेको छ ।
जथाभावरी फोहर फाल्नाले ब्यापारीक नगरी कृष्णगनर बजार दुर्गन्धीत र कुरुप बने पछि कृष्णनगर नगरपालिकाले जथाभावी फोहर फाल्ने सर्वसाधारण र ब्यापारीलाई कारबाही थालिएको नगर प्रमुख रजत प्रताप शाहले बताए । गत साउन २८ देखि नै जथाभावी फोहर फाल्ने बिरुद्ध कारबाही अभियान नै थालिएको उनले बताए ।
नगरपालिका राजस्व शाखा प्रमुख ईश्वरी पौडेल अनुसार साउन २८ देखि भदौ ४ गते सम्म ३१ जनालाई कारबाही गरी २६ हजार जरिवाना असुल गरिएको छ । नगरपालिकाको फोहरमैला ब्यवस्थापन कार्यबिधि २०७५ अुनसार कारबाही गरिएको हो ।
नगरपालिकाले फोहोर संकलनका लागि दैनिक ट्याक्टर पठाउने गरेको छ । यस्तै सरसफाईकर्मी समेत परिचालन गरेको छ । तर अटेर गदैै जथाभावी बाटो नालीमा फाल्ने गरिएकाले त्यस्तो कार्य रोक्न यो अभियान थालिएको नगर प्रमुख शाहले बताए । सरसफाईको अनुगमन निरीक्षण र कडाई गर्न बजार क्षेत्रमा ६ जना नगर प्रहरी समेत परिचालन गरिएको शाहले बताए ।
कार्यबिधि अनुसार ५ देखि १५ हजार जरिवाना लिन पाउने प्रावधान रहेको छ । तर पहिलो पटककालागि ५ सय देखि एक हजार जरिवाना तोकिएको छ । फेरी त्यस्तो गरेका पाइए जरिवाना दोब्बर असुल्ने गरी सुचना जारी गरिएको छ । नगरपालिकाले फोहर ब्यवस्थापनमा कडाई गरे पछि अहिले कृष्णगनर बजार सफा देखिएको ब्यापारीहरु बताउछन ।
नगरपालिको यो अभियानमा सबैले साथ दिनु पर्ने उनीहरुको भनाई छ । उता कवाड ब्यवसायीलाईृ समेत आफनो मालसामान ब्यस्थित राख्न र फोहर ननगृ नगरपालिकाले सुचना निकालेको छ ।
कवडा ब्यवसायीले सार्वजनिक स्थलमा फोहर गरेको पाइए ५ हजार जरिवाना तिराउने जनाइएको छ । पहिलो चरणमा कृष्णनगर बहादुरगंज बजारलाई स्वच्छ र हराभरा बनाउन यो अभियान चलाइएको हो ।
अभियानलाई अन्य शहरी क्षेत्रमा बिस्तार गरी लैजाने मेयर शाहले बताए । कृष्णनगर क्षेत्र देशकै प्रमुख १० भन्सार नाका मध्ये एक हो । यस्तै आन्तरिक राजस्व कार्यालय, बिद्युत, खानेपानी लगातयका कार्यालय समेत यहा छन ।
