चार पटक प्रतिनिधि सभा सदस्यमा जितेका र गत निर्वाचनमा झिनो मतले पराजित एमाले नेता बृजेश कुमार गुप्ता र पूर्वमन्त्री बलराम अधिकारीको फागुन २१ गते हुने प्रतिनिधि सभाको निर्वाचनकालागि एमालेबाट नाम सिफारिस गरिएन ।
एमालेको क्षेत्रीय समितिले क्षेत्र नम्बर १ मा बिश्राम प्रसाद थारु र क्षेत्र नम्बर २ मा दीर्घ नारायण पाण्डेयको एकल नाम सिफारिस गरेपछि नेता गुप्ता र अधिकारी आउने निर्वाचनमा एमालेको उम्मेदवार नहुने भएका हुन ।
गुप्ता क्षेत्र नम्बर २ का प्रभावशाली नेता हुन । उनी आफैले एमालेबाट उम्मेदवार बन्न अनिच्छुक रहेको एमाले नेता बताउछन । उनले आफु उम्मेदवार बन्न पार्टीमा दाबी समेत नगरेको एमाले नेता बताउछन । नेता गुप्तालाई रास्वपा, नेपाल कम्युनिष्ट पार्टी लागतयका पार्टीहरुले उम्मेदवार बन्न आग्रह गरेको गुप्ता निकट कार्यकर्ता बताउछन । तर नेता गुप्ताले आफु कुनै पार्टीमा नगई स्वतन्त्ररुपमा उम्मेदवारी दिने मुडमा रहेका छन ।
एमालेबाट नाम छुटाइए पछि अब गूताले अघि के गर्छन भन्ने यस क्षेत्रमा जन चासो समेत बढेको छ । उता २ पटक प्रतिनिधि सभा सदस्य जितेका तथा मन्त्री बनेका बलराम अधिकारी समेतको नाम यस पकट सिफारिस गरिएन । क्षेत्र नम्बर १ मा भारी मतले जितेका नेता अधिकारी भुमीसुधार तथा सहकारी मन्त्री समेत रहेका थिए । उनले नयालाई अवसर दिन आफुले उम्मेदवार हुन दाबी नगरेको बताएका छन । लिचि जग्गा प्रकरणमा नाम मुछिए पछि उनी बिवादित बनेका छन ।
उता नेकपा एमाले कपिलवस्तुले आसन्न प्रतिनिधि सभा निर्वाचनका लागि कपिलवस्तुका ३ वटै क्षेत्रमा उम्मेदवारको नाम सिफारिस गरेको छ । पार्टीले जिल्लाका तीन वटै प्रतिनिधि सभा निर्वाचन क्षेत्रमा बसेका निर्वाचन क्षेत्रीय समन्वय कमिटीको बैठकमार्फत उम्मेदवार सिफारिस गरेको हो ।
पार्टीले क्षेत्र नम्बर १ र २ मा एकल उम्मेदवारको नाम सिफारिस गरेको एमाले जिल्ला अध्यक्ष बावुराम खनालले बताए । क्षेत्र नम्बर १ मा बिश्राम प्रसाद थारु र २ मा दीर्घ नारायण पाण्डेयको नाम सिफारिस गरिएको छ । थारु संबिधान सभा सदस्य समेत थिए । यस्तै नेता पाण्डेय लुम्बिनी प्रदेश सदस्य तथा राष्ट्रिय सभाको सदस्य समेत थिए ।
निर्वाचन क्षेत्र नं. ३ प्रतिनिधि सभा सदस्यका लागि चार जनाको नाम सिफारिस गरिएको छ । निर्वाचन क्षेत्र नं. ३ बाट प्रतिनिधि सभा सदस्यको उम्मेदवारका रूपमा नेत्रराज अधिकारी, अकबाल अहमद शाह, शिराज अहमद फारुकी र मिना परियारको नाम सिफारिस गरिएको हो । गत निर्वाचनमा एमालेले क्षेत्र नम्बर १ र ३ मा जितेको थियो ।
