कपिलवस्तु । “सुशासन, स्वास्थ्य, समृद्ध र खुसी जनता” भन्ने मूल नारासहित कृष्णनगर नगरपालिकाको १५औँ नगरसभा (हिउँदे अधिवेशन) आज सम्पन्न भएको छ। अधिवेशनमा वक्ताहरूले सबैले आफ्नो बानी सुधार गर्दै स्वच्छ र अनुशासित समाज निर्माण गर्नुपर्नेमा जोड दिएका छन्।
कार्यक्रममा रजत प्रताप शाहले कृष्णनगरलाई खुला दिशामुक्त क्षेत्र घोषणा गरिए पनि प्रभावकारी कार्यान्वयन हुन नसकेको उल्लेख गर्नुभयो। साथै नगरपालिकामा शिवराज अस्पतालले राम्रो सेवा प्रवाह गरिरहेको बताउँदै स्वास्थ्य सेवा सुदृढीकरणमा थप ध्यान दिनुपर्ने धारणा राख्नुभयो।
कार्यक्रममा उपप्रमुख, वडाध्यक्ष, नगरसभा सदस्य तथा सरोकारवालाहरूको सहभागिता रहेको सभाले सेवा प्रवाहलाई थप जनमुखी बनाउने निर्णयसमेत गरेको छ।
