गोरुसिंगे(कपिलबस्तु), पुस २६ गते । नेपाल विद्यालय कर्मचारी परिषद् जिल्ला कार्यसमिति कपिलवस्तुको छैटौं परिषद् अधिवेशन सम्पन्न भएको छ । उक्त अधिबेशबाट अजय तिवारीको अध्यक्षतामा समिति गठन गरिएको हो ।
परिषद्को उपाध्यक्षमा रजनी थारु, सचिवमा चिरन्जिवि पौडेल, कोषाध्यक्षमा कौसलेन्द्र कुमार चर्तुबेदी, सहसचिवमा राम प्रसाद भट्टराई, सदस्यहरुमा गिरि बहादुर महतरा, दुखनी चौहान लगायत रहेका छन् ।
नेपाल विद्यालय कर्मचारी परिषद् केन्द्रिय अध्यक्ष गंगाराम तिवारीले विद्यालय कर्मचारी शिक्षा प्रणालीको महत्वपूर्ण अंग भएको उल्लेख गर्दै उनीहरूको समस्या समाधानका लागि राज्यले स्पष्ट नीति र व्यवहारिक कार्यक्रम ल्याउनुपर्नेमा जोड दिएका थिए ।
अधिवेशनले संगठन सुदृढीकरण, विद्यालय कर्मचारीको हक–अधिकार, सेवा सुविधा, पेशागत सुरक्षा तथा भावी कार्ययोजना सम्बन्धी विषयमा छलफल तथा निर्णय गरेको जनाइएको छ ।
अधिवेशन सफल बनाउन जिल्ला कार्यसमिति, प्रतिनिधि तथा सरोकारवालाहरूको सक्रिय भूमिका रहेको थियो । गौतमबुद्ध माध्यमिक विद्यालय गोर्सिङ्गेमा आयोजना गरिएको कार्यक्रममा जिल्लाभरिका विद्यालय कर्मचारीहरूको उल्लेख्य सहभागिता रहेको थियो ।
