काठमाण्डौ – १९ औँ एसियाली खेलकुद अन्तर्गत क्रिकेटमा नेपालले आज मंगोलियासँग खेल्दैछ । खेल नेपाली समय अनुसार बिहान पौने ७ बजे चीनको हान्झाउमा शुरु हुनेछ ।
नेपालसँगको यो खेलसँगै मंगोलियाले अन्तर्राष्ट्रिय खेलमा डेब्यू गर्नेछ । यो टी–२० मान्यता प्राप्त खेल हुँदा खेलाडी र टोली दुवैलाई वरियता सुधार गर्ने अवसर समेत छ ।
नेपालले दोस्रो खेल आइतवार माल्दिभ्ससँग खेल्नेछ । नेपाल क्वाटरफाइनलमा पुगेमा भारत, पाकिस्तान, श्रीलंका, बंगलादेश र अफगानिस्तान मध्ये एक टोलीसँग खेल्नुपर्ने हुन्छ । नेपालले क्रिकेटमा पदकको लक्ष्य समेत राखेको छ ।
