तौलिहवा, मंसिर २० गते । २० औं महिला सामुदायिक स्वास्थ्य स्वंसेविका दिवस देशभर सहित कपिलबस्तुमा पनि विभिन्न कार्यक्रम गरि मनाइएको छ । सोही अनुरुप कपिलबस्तुको बुद्धभुमि नगरपालिकाले महिला स्वास्थ्य स्वायंसेविकाहरुलाई प्रोत्सहिन गर्न सम्मान गरेको छ । “स्वास्थ्य क्षेत्रमा दिगो विकास, महिला समुदायिक स्वास्थ्य स्वयंमसेविकाको संयुक्त प्रयास“ भन्ने मूल नाराका साथ २० औं महिला सामुदायिक स्वास्थ्य स्वयंसेविका दिवस मनाइएको छ । दिवस कै अवसरमा जिल्लाको बुद्धभुमि नगरपालिका वडा नं. ७ मानपुरमा स्वयंसेविकाहरुलाई झोला, छाता र टर्च सहित सम्मान गरिएको हो ।
सो अवसरमा बोल्दै नगरपालिकका प्रमुख प्रशासकिय अधिकृत धुर्व नेपालले महिला स्वास्थ्य स्वायंसेविकाहरुले मानव जीवन बचाउने जस्तो कार्य धर्मको कार्य गर्दै आएको बताउनुभयो । वडाले महिला स्वास्थ्य स्वायंसेविकाहरुलाई प्रोत्साहित गर्नु सरहनिय रहेको उहाँले बताउनुभयो । एक दिवसिय कार्यक्रम भएकोले यो दिवस नगरपालिकाको १० वटै स्वास्थ्य चौकीहरुमा मनाइएको उहाँको भनाई छ । महिला स्वास्थ्य स्वायंसेविकाहरुको कामले स्वास्थ्यको सूचकहरु पुरागर्न धेरै मद्दत गर्दै आएको उहाँले जोड दिनुभयो ।
कार्यक्रममा बुद्धभुमि नगरपालिका स्वास्थ्य शाखाका प्रमुख विष्णु देव खनालले निस्वार्थ भावनाले लागेका स्वास्थ्य स्वयंसेविकाहरुको सक्रियताले नै आमा र बच्चामा स्वास्थ्य सुरक्षित हुने बताउनुभयो ।
सो अवसरमा बोल्दै बुद्धभुमि नगरपालिकावडा नं. ७ का वडाध्यक्ष शालिक राम यादवले स्वास्थ्य स्वयमसेविकाको काम र व्यवहारको मूल्यांकन समाज र समुदायबाट हुने हुँदा जनताको इमानदारिपूर्वक सेवा गर्न प्रेरित गर्नुभयो । उहाँले स्वयँमसेविकाहरुलाई प्रोत्साहन होस् भनेर वडाका १० जनालाई सम्मान गरिएको बताउनुभयो । आउने दिनमा अझै थप सम्मान गरिने उहाँको भनाई छ ।
सो अवसरमा बोल्दै स्वास्थ्य स्वायंसेविका कृष्णवती देवी मिश्राले सम्मानले हामीलाई थप हौसला प्रदान गरेको बताउनुभयो । उहाँले सरकारले नै स्वयमसेविकाको कामलाई सम्मान गर्नु पर्ने उहाँको भनाई थियो । सम्मान पाएपछि महिला स्वास्थ्य स्वयंसेविकाहरु खुसी भएका छन् । कार्यक्रमको सञ्चालन मानपुर स्वास्थ्य चौकीका प्रमुख बसन्त बहादुर कब्दारले गर्नु भएको थियो ।
