कपिलबस्तु, चैत २० गते । जिल्लाको यशोधरा गाँउपालिका वडा नं. ८ खोरियामा विपद् उद्धार सम्बन्धी कृत्रिम घटना अभ्यास गरिएको छ । शसस्त्र प्रहरी बल डंगरीले बाढीको पूर्व तयारी स्वरुप विपद जोखिम पूर्वतयारीको प्रयोगात्मक अभ्यास गराएको हो । यशोधराका खोरिया, बेलसापुर क्षेत्र बर्खायाममा बाढी र कटानको उच्च जोखिममा रहदै आएको छ ।
खोरिया गाँउ विगत देखि नै नदि कटानका कारण जोखिममा रहेकोले प्राकृतिक विपत्ति अन्तर्गत बाढी नदि कटान बारेमा खोज तथा उद्दार पूर्व तयारी स्वरुप विपद जोखिम पूर्वतयारीको प्रयोगात्मक अभ्यास गराइएको शसस्त्र प्रहरी वरिष्ठ हवाल्दार टंक बहादुर थापाले बताउनुभयो । वाढी पहिरो जाँदा स्थानिय स्रोत साधन र हामीसंग भएको स्रोत साधनको प्रयोग गरी कसरी उद्धार गर्नुका साथै आगलागि सम्बन्धि पनि साचेतना गराइएको उहाँको भनाई छ ।
सो अवसरमा बोल्दै यशोधरा गाँउपालिका वडा नं. ७ का वडाध्यक्ष चन्द्र प्रकाश दुबेले प्राकृतिक विपद्बाट पालिकावासीलाई जोगाउन तथा उद्धार र राहतका लागि पालिकाले प्राथमिकताका साथ काम गरिरहेको बताउनुभयो । साथै उहाँले यसका लागि सबैपक्षको सहयोग हुनु पर्ने बताउनुभयो । गरिएको अभ्यासबारे अरु ठाँउमा पनि सिकाउन सकिने वडाध्यक्ष दुबेले बताउनुभयो ।
कार्यक्रममा स्थानिय श्यामू कोरी हामी विगत देखि नै उद्धार सम्बन्धि कार्य गर्दै आएको बताउनुभयो । उहाँले यस्तो किसिमको उद्धार अध्यासले हामीलाई थप टेवा पुग्ने उहाँको भनाइृ छ ।
सो क्रममा आगलागी भएको समयमा कसरी सुरक्षित तरिकाले आगो निभाउने र बढी आएको बेला डुबेकोलाई उद्धार कसरी गर्ने विषयको जानकारी गराइएको थियो । उक्त कार्यक्रम दलित सामाजिक विकास केन्द्र आयोजना, युनाइटेड मिसन टु नेपालको सहयोग र शसस्त्र प्रहरी बलको प्राविधिक सहयोगमा गरिएको हो । सो अवसमार डुबेको बेलामा स्थानिय स्रोत साधनको प्रयोगले पनि उद्धार गर्न सकिने अभ्यास गराइएको थियो ।
