टाउको छिनालेर कुलोमा खाल्टो बनाई गाडिएको अवस्थामा शव फेला

कपिलबस्तु, फागुन ७ गते । कपिलबस्तुमा हत्या गरी गाडिएको अवस्थामा एक पुरुषको शव फेला परेको छ । जिल्ला कपिलबस्तु नगरपालिका वडा नं. ४ पिपरी गाँउदेखि दक्षिण तर्फको नहरको कुलोमा सो शव फेला परेको हो । आइतबार साँझ ६ बजेतिर कोदाहवा चोकदेखि दक्षिण ५ सय मिटर नहरको कुलोमा टाउको नभएको शव खाल्टोमा गाडिएको अवस्थामा देखेपछि स्थानियले प्रहरीलाई खबर गरेका थिए ।
जिल्ला प्रहरी कार्यालय कपिलबस्तुका प्रहरी उपरिक्षक नवरत्न पौडेलका अनुसार आइतबार साँझ शवको घुँडाको भाग मात्र देखिएको बताउनुभयो । सोमबार बिहान खनेर पुरुषको शव निकालिएको अन्यत्रै हत्या गरी टाउको छिनालेर कुलोमा खाल्टो बनाई शव गाडिएको उहाँको भनाई छ ।
शरीर जलेको अवस्थामा रहेको छ । पुरुषले जिन्सको सर्ट लगाएको र नाडीमा धागोसमेत बाँधिएको अवस्थमा रहेको छ । टाउको भने अझै फेला परेको छैन । घटनास्थललाई प्रहरीले घेराबन्दी गरेर शवको मुचुल्का गरेको छ । घटनास्थलमा तालिम प्राप्त ककुर सहित टोली परिचालन गरिएको छ ।
मृतकको अझैसम्म पहिचान भने नखुलेको उहाँले बताउनुभयो । शव पोस्ट मार्टमका लागि कपिललस्तु अस्पताल लगिएको छ । घटना बारे थप अनुसन्धान भइरहेको प्रहरी उपरिक्षक पौडेलले बताउनुभयो ।